ياخواتي

أوازن اقوالي واترجم سكاتي ..
لأني فصيح لسان مانيب ملسون ..
إلى خواتي أمهاتي بناتي ..
بعيد عن في كل واد يهيمون ..
أخو سميه قال يا سيداتي ..
نفخر بكن وانتن لنا قرة عيون ..
خواتي أجمل شي في ذكرياتي ..
ولولا النصيب وسنة الله في الكون ..
ما فارقن عن عيني وعن حياتي ..
واحمدك ياربي على الستر والعون ..
لأنهن شعر وجهي حياتي مماتي ..
وهن في عيوني در والدر مكنون ..
لكن وصاتي يا عيوني وصاتي ..
ازواجكن في ناظري ما يهونون ..
الاخ ما يسلى ويبقى يحاتي ..
وتبقن لي عيوني نظرها أو وشلون ..
ما كان سميتو الشرف يا غناتي ..
ولا غديتو عزوه لكل دندون ..
قولي سعيد اخي وانا ارخصت ذاتي ..
من دون ضيقش ترخص النفس وتهون ..
وشلون ما افخر في عزاوي خواتي ..
وعيالهن من طيب راسي يطيبون ..