القلب من جور الزمن لاحقه كي

القلب من جور الزمن لاحقه كي ..
لا يازمن وش يخفي اليوم جورك ..
ان جيت اسلي خاطري تقفله بي ..
وان رحت ابسري للفضا غاب نورك ..

ويامعذب ٍ خلك بسبتك مبلي ..
لاتنشده عن حالته شف أمورك ..
حالي على حطة يدك مثل ماهي ..
مامن جديد ألا مشاريه شورك ..
ياما عطت لك ماتبي راحة يدي ..
وكم شال متني لجل خاطر شعورك ..
كم كنت في لقياك بالحيل مرهي ..
عاشق وتأسرني بنظرات حورك ..

القلب من جور الزمن لاحقه كي ..
لا يازمان وش يخفي اليوم جورك ..

اتعبت رجلي والشقا ماهو شوي ..
وروحي فداك اليا تمادت كسورك ..
لاشك نفسي بالخفا دوم ترجي ..
وصلك ولو هي باستطاعه تزورك ..
سهرت ليلي والسهر عادتن لي ..
عانقت حلمي واختفى من قصورك ..
ماهوب دايم لكن أن طعتني عيّ ..
لاياخذ العاذل مطاليب دورك ..

القلب من جور الزمن لاحقه كيّ ..
لا يا زمن وش يخفي اليوم جورك ..

صفحة ظروف أحلامنا طاويه طي ..
من خوفتي تجتاح لحظة سرورك ..
واليوم تذبحني بصمتك وانا حي ..
يالله دخيلك زايد ٍ بك غرورك ..
لاصار ماتقبل ظروفي ولاشي ..
عندي تساوى غيبتك مع حضورك ..
الصبر من قيض الحشا شد مبطي ..
منه الرسوم اللي بمثناة سورك ..

والقلب من جور الزمن لاحقه كي ..
لا يا زمن وش يخفي اليوم جورك ..

خطاك لكن عزتي شامخه فيّ ..
والقلب تذبح نبضته مع مرورك ..
القلب من جور الزمن لاحقه كيّ ..
لا يازمن وش يخفي اليوم جورك ..