كلمات مهما يكون الشعور اللي علـي بـادي
مهما يكون الشعور اللي علـي بـادي
لا زلت انا الوارد اللي ماطـوى حبلـه
على القـراح الزلالـي طـال تـردادي
اشرب واصدر ظما مدري وش اشرب له
يا من تغاربتي غيابـي وهـو عـادي
بُعد الرجل عن دواعي ذله اهيـب لـه
ماامشي قبل لا اعرف الوجهه بلا قادي
ولا صلـي الا وانـا متقبـل القبـلـه
منزالي النايفه عـن حـدري الـوادي
ورجل(ن) يجي في مسيل السيل يا هبله
أبعدت مالي غـرض فـي ذل مقعـادي
ما دام يلعب لي الذعـذاع والعـب لـه
ماني لعرفي مع اهل العـرف متـرادي
لاشك كبدي من اللـي شفـت مندبلـه
يا لاقيـة خيـر هـاك العلـم للغـادي
اللي عجز يفرق الشيحه مـن الربلـه
أمانتـك بلغـيـه لـكـل حـسـادي
لا غارت الكدش وكحيـلان باصطبلـه
أنا أول العشر مانـي للعشـر حـادي
مالك ومال افتـراض الجاهـل الأبلـه
يموت انا حاسدي مـا ياصـل ابعـادي
منّي نجوم السما لو يفهـم اقـرب لـه
ولابد ما الهايج المايـج يجـي هـادي
وكل(ن) يشوف المكان اللي يناسب لـه
إن مت مات النبـي وآبـاي واجـدادي
وما دام لي يوم ماني ميّـت(ن) قبلـه
الكلمات الخاصة بشيلة مهما يكون الشعور اللي علي بادي ما زلت انا الوارد اللي ماطوى حبله بدون تشكيل
مهما يكون الشعور اللي علي بادي لا زلت انا الوارد اللي ماطوى حبله على القراح الزلالي طال تردادي اشرب واصدر ظما مدري وش اشرب له يا من تغاربتي غيابي وهو عادي بعد الرجل عن دواعي ذله اهيب له ماامشي قبل لا اعرف الوجهه بلا قادي ولا صلي الا وانا متقبل القبله منزالي النايفه عن حدري الوادي ورجل(ن) يجي في مسيل السيل يا هبله ابعدت مالي غرض في ذل مقعادي ما دام يلعب لي الذعذاع والعب له ماني لعرفي مع اهل العرف مترادي لاشك كبدي من اللي شفت مندبله يا لاقيت خير هاك العلم للغادي اللي عجز يفرق الشيحه من الربله امانتك بلغيه لكل حسادي لا غارت الكدش وكحيلان باصطبله انا اول العشر ماني للعشر حادي مالك ومال افتراض الجاهل الابله يموت انا حاسدي ما ياصل ابعادي مني نجوم السما لو يفهم اقرب له ولابد ما الهايج المايج يجي هادي وكل(ن) يشوف المكان اللي يناسب له ان مت مات النبي وآباي واجدادي وما دام لي يوم ماني ميت(ن) قبله